تخــــــــــــــــيـّـل

تخيل اني مدينه خاليه من البشر
وانت السبب في نزوح الناس والجاني
وتخيل اني انا الانسان وانت الفقر
تقتل طموحي واعيش بقمة احزاني

وتخيل اني انا المحكوم وانت القدر
احاول اهرب واهرب بس ماامداني
وتخيل اني انا النيه وانت الحذر
اعطيك من صادق احساسي وتجفاني

وتخيل اني امانك وانت لي الخطر
تدير ظهرك وانا اعطيك تحناني
وتخيل انك جفاف وصرت لك المطر
ارويك حبي الين تفيض غدرانــــــي

وتخيل اني انا فرحك وانت القهر
لا احتجتني في الشدايد صدق تلقاني
وتخيل اني انا دربك وانت السفر
تمشي وتلقاك نايم بين احضاني

وتخيل انك حجر ترمي وانا الثمر
لامن رميت الحجر تومي لك اغصاني
وتخيل اني سماك وانت فيها القمر
تدور وسط الفلك من خير احساني

وتخيل انك قسيت ودمعي لك انهمر
احاول اسعدك وانت تحب حرماني
وتخيل انك سفينه اغرقت بالبحر
لامن تبهذلت شلتك وسط اجفاني

وتخيل انك هزيمه وصرت لك النصر
وغديت نظرة وله في عين شفقاني
وتخيل اني عيون وانت فيها لسهر
شوف السهر ياعيوني كيف خلاني

وتخيل اني عطر في وسط غرشة عطر
واملاء حياتك بريح العطر يافلاني
وتخيل اني انابردك وانت الجمر
لاهي 00 وانا لك لهيب الشوق يصلاني

وتخيل اني انا صايم بشوفك فطر
يااغلا من اغليت من ربعي وخلاني
وتخيل اني ابدوي جاله بمجلس حضر
ان مد فنجال بخل بمدة الثانـــــــــــــــي

وتخيل اني انا المطعون وسط الظهر
من خنجر الغدر وانته سيدي الجاني
تخيلاتي انا ادري مالها من حصر
مدام حبي لوجهك موووووت افناني

عدد الرسائل : 609 مزاجك : تاريخ التسجيل : 07/09/2007

مشكور اخوي الف مشكور

مشكور اخوي على المرور

مشكور اخوي

يسلمووووووووو أخوي
أسير الروح
على الطرح المميز

مشكور اخوي